Հովիկ Աբրահամյանը դիմում է ներկայացրել ՀՀԿ–ից դուրս գալու մասին

ԵՐԵՎԱՆ, 31 հունվարի. /ԱՌԿԱ/. Հայաստանի իշխող Հանրապետական կուսակցությունում (ՀՀԿ) ստացել են նախկին վարչապետ և Ազգային ժողովի նախկին նախագահ Հովիկ Աբրահամյանի դիմումը կուսակցությունից դուրս գալու մասին, տեղեկացնում է «Ազատություն» ռադիոկայանը։

Այդ մասին ռադիոկայանին տեղեկացրել է ՀՀԿ կազմակերպչական հանձնաժողովի նախագահ Ռուբեն Թադևոսյանը՝ հավելելով, որ նրան արդեն հեռացրել են կուսակցական հաշվառումից:

Ըստ Թադևոսյանի՝ Հովիկ Աբրահամյանի դիմումում նշված է միայն, որ հունվարի 25-ից դուրս է գալիս Հանրապետականից առանց բացատրությունների և մեկնաբանությունների:

Թադևոսյանի կարծիքով, այս ամենը չի ազդի առաջիկա խորհրդարանական ընտրությունների արդյունքների վրա։

«Մենք մեր աշխատանքը ընտրությունների հետ կապված անելու ենք, մեր թիմն անելու է, կարծում եմ՝ որևէ էական ազդեցություն չի գործի», – նշել է Թադևոսյանը։–0–

Ծանոթացեք լուրերին առաջինն ու քննարկեք դրանք մեր Telegram-ում

16:46 31.01.2017