Մոսկվայում տեղի են ունեցել ՀՀ և ՌԴ ԱԳՆ–ների խորհրդակցությունները` արտաքին քաղաքականության տեղեկատվական ապահովման թեմայով
ԵՐԵՎԱՆ, 24 դեկտեմբերի./ԱՌԿԱ/. Նախօրեին Մոսկվայում Հայաստանի և Ռուսաստանի արտաքին գերատեսչությունների տեղեկատվական դեպարտամենտների միջև խորհրդակցություններ են տեղի ունեցել` արտաքին քաղաքականության և տեղեկատվության ապահովման թեմայով, հաղորդում է ՀՀ ԱԳՆ–ի մամուլի ծառայությունը։
Խորհրդակցության ընթացքում կողմերը քննարկել են ՀՀ–ում ռուսական ԶԼՄ–ների և ՌԴ–ում հայկական ԶԼՄ–ներում գործունեությանը վերաբերող հարցեր, անդրադարձել են ԵՏՄ–ի և ՀԱՊԿ–ի շրջանակում տեղեկատվական գործունեության առանձնահատկություններին։
Հանդիպման մասնակիցները մտքեր են փոխանակել սոցիալական ցանցերում տեղեկատվության տարածման և նրանց ընձեռած հնարավորությունների ավելի արդյունավետ կիրառման շուրջ։ Երկուստեք նշվել է տեղեկատվական դաշտում կրթական ծրագրերի իրականացման կարևորությունը և փորձի փոխանակման անհրաժեշտությունը։ –0–
