ԶԼՄ–ները նշել են պայմանը, որի դեպքում «Ծառուկյան» դաշինքը չի կարող կոալիցիա կազմել ՀՀԿ–ի հետ
22.03.2018,
10:52
ԶԼՄ–ները նշել են պայմանը, որի դեպքում «Ծառուկյան» դաշինքը կոալիցիա չի կազմի ՀՀԿ–ի հետ։
ԵՐԵՎԱՆ, 22 մարտի. /ԱՌԿԱ/. «Ծառուկյան» դաշինք խմբակցության մասնակցությունն ապրիլին ձևավորվելիք նոր կառավարությանը մեծ չափով կախված է «Ելք» խմբակցությունում տեղի ունեցող զարգացումներից, գրում է «Ժամանակը»։
«Թեև ի սկզբանե որոշված էր, որ Ազգային համաձայնության կառավարության ձևավորման ծրագրի շրջանակներում «Ծառուկյան» դաշինքը ևս կարող է մաս կազմել կոալիցիային, սակայն «Ելք»-ի պառակտման հնարավորությունը չեղարկում է այդ ծրագիրը», – նշում են հոդվածի հեղինակները։
«Եթե «Ելք» դաշինքը իսկապես պառակտվի, իսկ ամեն ինչ տանում է դրան, ապա «Ծառուկյան» դաշինքի կոալիցիա մտնելը ընդհանրապես կվերացնի խորհրդարանական ընդդիմությունը, ինչը ձեռնտու չէ նաև իշխանությանը»,-գրում է թերթը:–0–
