Զախարովա. ՌԴ–ն մեծ ջանքեր է գործադրում ղարաբաղյան հակամարտությունը կարգավորելու համար
ԵՐԵՎԱՆ, 4 հուլիսի. /ԱՌԿԱ/. Ռուսաստանը հսկայական ջանքեր է գործադրում ղարաբաղյան հակամարտությունը կարգավորելու համար, Երևանում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Այսօր Հայաստանն ու հայ ժողովուրդը շատ ակտուալ հարց ունի` ղարաբաղյան հակամարտության կարգավորումը», – նշել է դիվանագետը, հաղորդում է «Նովոստի–Արմենիա» գործակալությունը` հղում անելով ՏԱՍՍ–ին։
«Հենց այդ պատճառով ՀԱՊԿ արտգործնախարարների խորհրդի շրջանակում ՌԴ ԱԳ նախարար Սերգեյ Լավրովն անցկացնում է երկկողմ հանդիպումներ, հենց այդ պատճառով մենք հսկայական ջանքեր ենք գործադրում, որպեսզի այդ կարգավորումը պսակվի հաջողությամբ», – ավելացրել է նա։
Զախարովան նաև նշել է, որ խոսքը Ռուսաստանի միջնորդության մասին է ղարաբաղյան հակամարտության կարգավորման հարցում։
Երևանում անցկացվում է ՀԱՊԿ ԱԳՆԽ նիստը։ –0–
