ՀՀ նախագահը ստորագրել է ՀՅԴ-ական նախարարների նշանակման հրամանագրերը

ԵՐԵՎԱՆ, 24 փետրվարի. /ԱՌԿԱ /. Հայաստանի Հանրապետության նախագահը չորեքշաբթի հրամանագրեր է ստորագրել նախարարների պաշտոնից ազատման և նոր նախարարների նշանակման մասին, «Նովոստի–Արմենիայի» փոխանցմամբ այս մասին  հայտնել են ՀՀ նախագահի մամուլի գրասենյակից:

Նախագահի հրամանագրերով` Հայաստանի Հանրապետության կրթության և գիտության նախարար է նշանակվել Լևոն Մկրտչյանը ՀՀ էկոնոմիկայի նախարար է նշանակվել Արծվիկ Մինսյանը, իսկ Դավիթ Լոքյանը`  ՀՀ տարածքային կառավարման և զարգացման նախարար:

Նախագահի այլ հրամանագրերով ՀՀ  կրթության և գիտության նախարարի պաշտոնից ազատվել է Արմեն Աշոտյանը, ՀՀ էկոնոմիկայի նախարարի պաշտոնից ազատվել է Կարեն Ճշմարտյանը:

Նախագահի մեկ այլ հրամանագրով Տարածքային կառավարման և արտակարգ իրավիճակների նախարարությունը վերակազմակերպվել է Տարածքային կառավարման և Աարտակարգ իրավիճակների նախարարությունների:

Հիշեցնենք, որ հանրապետության նախագահի այս հրամանագրերը հետևել են այսօր ՀՀԿ-ի և ՀՅԴ-ի միջև Քաղաքական համագործակցության համաձայնագրին:

Այլևս ՀՀ արտակարգ իրավիճակների նախարարի պաշտոնում նշանակվել է Արմեն Երիցյանը:-0-