Քննարկվում է ՀՀ նախագահի պաշտոնում հերթական անսպասելի թեկնածուի անունը
ԵՐԵՎԱՆ, 17 հունվարի./ԱՌԿԱ/. Երեկ ՀՀԿ-ի շարքերում հոլովվում էր ՀՀ նախագահ Սերժ Սարգսյանի աշխատակազմի ղեկավար Արմեն Գևորգյանի անունը, գրում է «Հրապարակ» օրաթերթը։
«Որքան էլ արտառոց լինի այս անունը, սակայն քաղաքական դաշտում մի մեծ թիմի, այդ թվում` Ռոբերտ Քոչարյանի մերձ շրջանակների համակրանքն Արմեն Գևորգյանի կողմն է», – նշում են հոդվածի հեղինակները։
Օրաթերթը նաև նշում է, որ Մեծ Բրիտանիայում ՀՀ արտակարգ և լիազոր դեսպան Արմեն Սարգսյանն առնվազն երեկ չէ առաջին օրվա դրությամբ Հայաստանում էր և դիվանագիտական համարներով ավտոմեքենայով ակտիվ ուղևորությունների ու հանդիպումների մեջ էր:
Ինչպես գրում էր հայկական մամուլը, նա ևս դիտարկվում է ՀՀ չորրորդ նախագահի հնարավոր թեկնածուների թվում։
«Շրջանառվում են նաև այլ անուններ՝ Հանրային խորհրդի նախագահ Վազգեն Մանուկյանի, Արցախի նախկին նախագահ Արկադի Ղուկասյանի, ՍԴ նախագահ Գագիկ Հարությունյանի և այլոց», – նշվում է հոդվածում։–0–
