Ադրբեջանական զինուժը շարունակում է խախտել հրադադարի ռեժիմը սահմանում
02.03.2017,
19:41
Հինգշաբթի օրվա ընթացքում հակառակորդը տարբեր տրամաչափի ականանետերից ու հաստոցավոր ավտոմատ նռնականետերից շարունակել է խախտել հրադադարի ռեժիմը, հայտնում է Արցախի պաշտպանության նախարարության մամուլի ծառայությունը։
ԵՐԵՎԱՆ, 2 մարտի. /ԱՌԿԱ/. Հինգշաբթի օրվա ընթացքում հակառակորդը տարբեր տրամաչափի ականանետերից ու հաստոցավոր ավտոմատ նռնականետերից շարունակել է խախտել հրադադարի ռեժիմը, հայտնում է Արցախի պաշտպանության նախարարության մամուլի ծառայությունը։
Ադրբեջանական զինուժն արցախա-ադրբեջանական հակամարտ զորքերի շփման գծի արևելյան (Ակնա) և հյուսիսարևելյան (Մարտակերտ) հատվածներում տեղակայված ՊԲ մարտական դիրքերի ուղղությամբ արձակել է 68 արկ:
Ըստ հաղորդագրության, ՊԲ առաջապահ ուժերը դիմել են համարժեք գործողությունների և ճնշել թշնամու նախահարձակ ակտիվությունը:
Այս պահի դրությամբ առաջնագծում տիրում է հարաբերական անդորր: -0-
