Ալեքսանդր Արզումանյանը նշանակվել է Դանիայում ՀՀ դեսպան
ԵՐԵՎԱՆ, 12 հուլիսի. /ԱՌԿԱ/. Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու և նոր դեսպան նշանակելու մասին։
Ինչպես հայտնեցին հանրապետության նախագահի մամուլի ծառայությունից, Հրաչյա Աղաջանյանն ազատվել է Դանիայի Թագավորությունում և Նորվեգիայի Թագավորությունում դեսպանի պաշտոնից։
Նախագահի մեկ այլ հրամանագրով Դանիայում և Նորվեգիայում Հայաստանի արտակարգ և լիազոր դեսպան է նշանակվել Ալեքսանդր Արզումանյանը (նստավայրը` Կոպենհագեն):
Ալեքսանդր Արզումանյանն ԱՄՆ–ում Հայաստանի դեսպանի պաշտոնն է զբաղեցրել 1992-93 թվականներին, եղել է ՄԱԿ–ում երկրի մշտական ներկայացուցիչ, իսկ 1996-98 թվականներին զբաղեցրել է Հայաստանի արտաքին գործերի նախարարի պաշտոնը, եղել է 5–րդ գումարման Ազգային ժողովի պատգամավոր։ -0-
