ՀՀ նախագահ Սերժ Սարգսյանը քվեարկել է Հայաստանի առաջընթացի համար

ԵՐԵՎԱՆ, 6 մայիսի. /ԱՌԿԱ/. ՀՀ նախագահ Սերժ Սարգսյանը քվեարկել է Հայաստանի առաջընթացի համար, տեղեկացնում է «ԱՌԿԱ» գործակալության թղթակիցը:

«Ես քվեարկել եմ Հայաստանի առաջընթացի համար: Ինչ եմ ես մտածում` պարզ է. ես ցանկանում եմ, որ այսօր, վաղը և վաղը չէ մյուս օրն ամեն ինչ հանգիստ, խաղաղ լինի, ամեն ինչ ըստ օրենքի ընթանա», - նշեց նախագահը:

Նա նաև շնորհակալության հայտնեց լրագրողներին կուսակցություններին իրենց նախընտրական ծրագրերը ներկայացնելու հնարավորություն ընձեռելու համար:

Լրագրողներին այն հարցին, թե ինչ խնդիրներ է իր առաջ դնելու նոր խորհրդարանը, ՀՀ նախագահն ասաց. «Խորհրդարանը կձևավորվի, այն ժամանակ էլ խնդիրները կդնենք»:

ՀՀ նախագահին ուղեկցում էին նրա կինը՝ Ռիտա Սարգսյանը, և դուստրը:

ԿԸՀ-ն ապրիլի 1-ին գրանցել է ութ կուսակցության և կուսակցական դաշինքի ընտրացուցակները:

Կոալիցիոն երեք կուսակցություններից բացի, (ՀՀԿ, «Բարգավաճ Հայաստան» և «Օրինաց երկիր») պատգամավորական մանդատների համար կպայքարեն նաև Հայ հեղափոխական դաշնակցությունը, «Ժառանգությունը» («Ազատ դեմոկրատների» հետ միասնական համամասնական ցուցակ), Հայ ազգային կոնգրեսը (կուսակցական դաշինք), Հայաստանի դեմոկրատական կուսակցությունը, Հայաստանի Կոմունիստական կուսակցությունը և «Միավորված հայեր» կուսակցությունը:

Գրանցվել է նաև մեկ ընտրական դաշինք՝ ընդդիմադիր Հայ ազգային կոնգրեսը:

Մեծամասնական ընտրակարգով պատգամավորական մանդատի համար կպայքարի 137 թեկնածու, ընդ որում երկու ընտրատեղամասում ընտրությունները կանցնեն 

առանց այլընտրանքի:

Հայաստանի ընտրական օրենսգրքի համաձայն, խորհրդարան անցնելու համար կուսակցությունները պետք է հավաքեն քվեների 5 տոկոսը, իսկ դաշինքները՝ 7 տոկոսը:

Հայաստանի օրենսդրության համաձայն, համամասնական ընտրակարգով անցկացված ընտրության նախնական արդյունքը հայտնի կլինի մայիսի 7-ին 20:00-ից ոչ ուժ, իսկ մեծամասնական ընտրակարգով անցկացված ընտրության նախնական արդյունքը՝ 14:00-ին:

Ընտրությանը կհետևեն ութ միջազգային առաքելություններ (647 դիտորդ), որոնց թվում են ԵԱՀԿ/ԺՀՄԻԳ-ը (258 դիտորդ), ԵԽԽՎ (37), ԱՊՀ միջխորհրդարանական վեհաժողովը (22), ԱՊՀ դիտորդական առաքելությունը (151), Ընտրական համակարգերի միջազգային հիմնադրամը՝ IFES-ը, (3), Ընտրական համակարգերի միջազգային փորձագիտական կենտրոնը ICES (20), Եվրախորհրդարանը (12), ԵԱՀԿ խորհրդարանական վեհաժողովը (69), SILBA միջազգային կազմակերպությունը (16), Հայաստանում հավատարմագրված դեսպանատների ներկայացուցիչներ (35), արտասահմանյան ԿԸՀ-ների ներկայացուցիչներ (24):

Տեղական դիտորդների քանակը նույնպես աննախադեպ է՝ ավելի քան 31 հազար մարդ:

ՀՀ Սահմանադրության համաձայն, նոր գումարման խորհրդարանի առաջին նիստը կկայանա ընտրություններն հաջորդող երրորդ հինգշաբթի՝ մայիսի 24-ին:-0-