Չեն բացառվում կադրային փոփոխությունները ՀՀ կառավարությունում
ԵՐԵՎԱՆ, 20 հունվարի. /ԱՌԿԱ/. Հայաստանի կառավարությունում կրկին կադրային փոփոխություններ կլինեն, գրում է «Հրապարակ» թերթը։
Առաջիկա օրերին որոշ նախարարներ, այդ թվում` նրանք, ում բերել է վարչապետ Կարեն Կարապետյանը, կարող են փոխվել, գրում է թերթը` հղում անելով կառավարությանը մոտ կանգնած սեփական աղբյուրներին։
«Այն, որ կառավարության կազմում ընտրություններից հետո կադրային արմատական փոփոխություններ են լինելու, եթե հաղթի ՀՀԿ-ն, ու վարչապետ մնա Կարեն Կարապետյանը, միանշանակ է»,– գրում է թերթը։
Թե հատկապես որ նախարարություններին է վերաբերում ասվածը, աղբյուրը չի մանրամասնել։
«Ի դեպ, էներգետիկայի և բնական պաշարների փոխնախարար Հայկ Հարությունյանը պատրաստվում է դառնալ պատգամավոր՝ ՀՀԿ համամասնական ցուցակով»,– նշվում է հրապարակման մեջ։ -0-
