Գեղարքունիքի նոր մարզպետ է նշանակվել Ռաֆիկ Գրիգորյանը

ԵՐԵՎԱՆ, 28 հունիսի. /ԱՌԿԱ/. Հայաստանի Հանրապետական կուսակցությունից պատգամավոր ընտրված Ռաֆիկ Գրիգորյանը ՀՀ Գեղարքունիքի մարզպետ է նշանակվել:

Նման որոշում է ընդունվել հինգշաբթի կառավարության նիստի ժամանակ: ՀՀ վարչապետ Տիգրան Սարգսյանը շնորհավորել է Գրիգորյանին և հաջող աշխատանք մաղթել:

1999 – 2003 թվականներին Գրիգորյանը Գեղարքունիքի մարզպետի տեղակալի պաշտոնն է զբաղեցրել, իսկ 2003 թվականից նա ԱԺ պատգամավոր է:

Հունիսի սկզբին կառավարության որոշմամբ Վայոց ձորի և Գեղարքունիքի մարզպետներն ազատվել էին իրենց զբաղեցրած պաշտոններից: Սերգեյ Բաղրամյանն ու Նվեր Պողոսյանը «Բարգավաճ Հայաստան» կուսակցության անդամներ էին:-0-