Հայ խորհրդարանականները կոչ են անում քննարկել երկրում գործող մենաշնորհների խնդիրը
ԵՐԵՎԱՆ, 24 հոկտեմբերի. /ԱՌԿԱ/. Հայ ազգային կոնգրեսի խմբակցության ղեկավար Լևոն Զուրաբյանը երկուշաբթի խորհրդարանի նիստում առաջարկել է քննարկել երկրում գործող մենաշնորհների խնդիրը։
Ինչպես նշեց պատգամավորը, հանրապետությունում պահպանվում են լայն սպառման ապրանքների մենաշնորհները, ինչը դարձել է կոռուպցիոն խոշորագույն դրսևորումներից մեկը։
«Շուկայի մենաշնորհների հետևանքով տուժում են սպառողները, թոշակառուները, սոցիալապես անապահով խավերը, որոնք ստիպված են արհեսատականորեն բարձր գներով ապրանքներ գնել։ Տուժում է նաև բիզնեսը, քանի որ շուկան մրցակցության համար փակ է»,– ասաց Զուրաբյանը։
Այս առումով պատգամավորը հիշեցրեց Հայաստանի վարչապետ Կարեն Կարապետյանի հայտարարությունն այն մասին, թե ցանկացած մարդ անարգել կարող է ապրանք ներկրել Հայաստան, իսկ խնդիրների առկայության դեպքում կարող է անմիջապես դիմել կառավարության ղեկավարին։
«Կարծում եմ, որ անմիջապես վարչապետին զանգելն այնքան էլ արդյունավետ չի լինի, այդ իսկ պատճառով առաջարկում եմ անցյացնել խորհրդարանական լսումներ, որտեղ կքննարկվի այս հարցը, ընդհանուր իրավիճակը, խնդիրները, և կներկայացվեն առաջնահերթ, անհապաղ միջոցառումները»,– նշեց Զուրաբյանը։
Այդ նախաձեռնությանը կողմ արտահայտվեց ՀԱԿ խմբակցության պատագամովր Նիկոլ Փաշինյանը, նշելով, որ ընկերություններից մեկի` «Արագ» ՍՊԸ–ի տնօրեն Արարատ Թումանյանը, օրեր առաջ դժգոհում էր, որ իրեն արգելել են 100 տոննա դիզելային վառելիք ներկրել։
Այս առաջարկին ի պատասխան` Հայաստանի Ազգային ժողովի խոսնակ Գալուստ Սահակյանը նշեց, որ լսումները կարելի է անցկացնել ցանկացած ժամանակ, սակայն դրա համար կոնկրետ փաստեր են պետք։
«Առավել ևս, որ վարչապետը խոսել է այդ թեմայով... Կարծում եմ` նա շուտով լուծումներ կներկայացնի այս հարցով, անհրաժեշտ է սպասել մինչև առաջարկությունների ներկայացնելը, մանավանդ, որ այդ ուղղությամբ աշխատում է նաև հանձնաժողովը»,– ասաց Սահակյանը։
Տնտեսական հարցերի խորհրդարանական հանձնաժողովի նախագահի տեղակալ Միքայել Մելքումյանն իր հերթին նշեց, որ նախօրեին արդեն անցկացվել է 2017 թվականի Տնտեսական մրցակցության պաշտպանության պետական հանձնաժողովի աշխատանքի քննարկումը, և որոշում է ընդունվել անցկացնել լրացուցիչ քննարկումներ, որոնց ընթացքում պատգամավորները կարող են ներկայացնել սեփական առաջարկները։ -0-
Ծանոթացեք լուրերին առաջինն ու քննարկեք դրանք մեր Telegram-ում
18:05 24.10.2016
