Հայաստանի ԱԺ փոխխոսնակն առաջարկել է բարձրացնել պետծառայողների աշխատավարձը

ԵՐԵՎԱՆ, 21 հոկտեմբերի. /ԱՌԿԱ/. ՀՀ Ազգային ժողովի փոխխոսնակ Հերմինե Նաղդալյանն ուրբաթ խորհրդարանի արտահերթ նիստի ժամանակ վարչապետ Կարեն Կարապետյանին առաջարկեց 10 տոկոսով բարձրացնել պետական ծառայողների աշխատավարձը:

ՀՀ ԱԺ-ն ուրբաթ արտահերթ նիստում քննարկում է կառավարության ծրագիրը:

Ինչպես նշեց փոխխոսնակը, ծրագրով նախատեսվում են կարևոր միջոցառումներ` պետական սեկտորում ապարատի և տարբեր կառուցվածքների կրճատման ուղղությամբ:

«Չնայած, որ ծրագրով չի նախատեսվում աշխատավարձերի և թոշակների բարձրացում, այդուհանդերձ, հաշվի առնելով համակարգի նախատեսված կրճատումները, կցանկանայի խնդրել վարչապետին պետական սեկտորի աշխատողների համար նախատեսել ոչ մեծ, գոնե 10 տոկոսի չափով աշխատավարձերի բարձրացում», - ասաց Նաղդալյանը:

Փոխխոսնակի խոսքով, դա պետական համակարգի աշխատակիցներին խթան կլինի` ծառացած խնդիրները արդյունավետ լուծելու համար: -0-