Թուրքիայի արձագանքը Հայոց ցեղասպանության վերաբերյալ Հռոմի Պապի արտահայտությանը արդարացված չէ. Իտալիայի ԱԳՆ
14.04.2015,
10:49
Թուրքիայի արձագանքը Հայոց ցեղասպանության վերաբերյալ Հռոմի Պապի արտահայտությանը արդարացված չէ, կարծում է Իտալիայի ԱԳՆ ղեկավար Պաոլո Ջենտիլոնին։
ԵՐԵՎԱՆ, 14 ապրիլի. /ԱՌԿԱ/. Թուրքիայի արձագանքը Հայոց ցեղասպանության վերաբերյալ Հռոմի Պապի արտահայտությանը արդարացված չէ, կարծում է Իտալիայի ԱԳՆ ղեկավար Պաոլո Ջենտիլոնին։
«Թուրքական իշխանությունների կոշտ տոնն արդարացված չեմ համարում, հատկապես հաշվի առնելով այն փաստը, որ 15 տարի առաջ Հռոմի Հովհաննես Պողոս Բ Պապը նույն կերպ է արտահայտվել»,– ասել է Ջենտիլոնին, հաղորդում է «ՌԻԱ Նովոստին»։
Կիրակի ցեղասպանության 100–րդ տարելիցին նվիրված պատարագի սկզբում Հռոմի Ֆրանցիսկոս Պապը նախորդ դարասկզբին հայերի, սիրիացի կաթոլիկների և ուղղափառների, ասորիների ու հույների կրած տանջանքներն անվանել է «20–րդ դարի առաջին ցեղասպանություն»։ Նմանատիպ գնահատականով 2001 թվականին արդեն հանդես էր եկել Հռոմի Հովհաննես Պողոս Բ Պապն Ամենայն Հայոց Գարեգին Բ Կաթողիկոսի հետ համատեղ հայտարարությունում։
Ֆրանցիկսոս Պապի նմանատիպ արտահայտությունը թուրքական իշխանությունների վրդովմունքն է առաջացրել։ --0--
