Հայաստանի ԿԲ–ի ղեկավարը կմասնակցի Սանկտ Պետերբուրգում անցկացվող վեհաժողովին
ԵՐԵՎԱՆ, 3 հունիսի. /ԱՌԿԱ/. Հայաստանի ԿԲ–ի նախագահ Արթուր Ջավադյանը մեկնել է Սանկտ Պետերբուրգ մասնակցելու «Ֆինանսական ինդուստրիա` մարտահրավերներ և որոշումներ» 24-րդ միջազգային բանկային վեհաժողովին, հայտնում է ԿԲ-ի մամուլի ծառայությունը։
Վեհաժողովի ընթացքում կքննարկվեն հետևյալ թեմաները` կենտրոնական բանկերի դերը ժամանակակից իրողություններում, բանկային կարգավորում և վերահսկում, արտաբորսայական շուկայի ֆինանասական գործիքների բարեփոխումներ, ԵՏՄ երկրների դրամավարկային քաղաքականություն, վճարային համակարգեր, ինչպես նաև ֆինանսական միջոցների և ֆինանսական գրագիտության հասանելիության ավելացում։
Ինչպես նշվում է հաղորդագրության մեջ, միջոցառման շրջանակներում նախատեսվում է նաև հանդիպում Ջավադյանի և ՌԴ ԿԲ–ի ղեկավար Էլվիրա Նաբիուլինայի հետ։ -0-
Ծանոթացեք լուրերին առաջինն ու քննարկեք դրանք մեր Telegram-ում
22:08 03.06.2015
