Կիպրոսը պետք է շարունակի աջակցության վերաբերյալ ՌԴ–ի հետ բանակցությունները. Եվրախմբի ղեկավար

ԵՐԵՎԱՆ, 25 մարտի. /ԱՌԿԱ/. Կիպրոսի իշխանությունները պետք է շարունակեն Կիպրոսին ֆինանսական օգնություն ցուցաբերելու վերաբերյալ Ռուսաստանի իշխանությունների հետ բանակցությունները, քանի որ այն կղզու աջակցման կարևոր կողմն է, կարծում է Եվրախմբի ղեկավար Իերուն Դեյսելբլումը, հաղորդում է «ՌԻԱ Նովոստին»։

«Ես վստահ եմ, որ Կիպրոսի կառավարությունը կշարունակի ռուսական կողմի հետ բանակցությունները` հատկապես վարկի վերաբերյալ։ Դա չափազանց անհրաժեշտ է։ Մենք ընդհանուր փաթեթով նրա (Ռուսաստանի) ավանդի հույս ունենք։ Այո, նրանք պետք է խոսեն (Մոսկվայի հետ)»,– ասել  է նա։ –0–