Լևոն Մարտիրոսյանը նշանակվել է Կանադայում ՀՀ դեսպան
ԵՐԵՎԱՆ, 12 հուլիսի. /ԱՌԿԱ/. Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
ՀՀ նախագահի մամուլի ծառայության հաղորդագրության համաձայն, նախագահի մեկ այլ հրամանագրով, Լևոն Մարտիրոսյանը նշանակվել է Կանադայում Հայաստանի Հանրապետության արտակարգ և լիազոր դեսպան (նստավայրը` Օտտավա):
Հայկական ԶԼՄ–ները տարեսկզբին գրում էին Մարտիրոսյանի` Մեծ Բրիտանիայում երկրի դեսպան նշանակվելու մասին, քանի որ նա հայտնել էր, որ չի լինելու նոր գումարման խորհրդարանում, քանի որ Հայաստանի նախագահից մեկ այլ պետական պաշտոն զբաղեցնելու առաջարկ է ստացել և հաճույքով ընդունել է այն։
Նա այն ժամանակ չի պարզաբանել, թե ինչ պաշտոնի մասին է խոսքը։ Ավելին, հնարավոր նշանակումը գաղտնի էր պահվում, և Մարտիրոսյանն այդ մասին չէր ասում նույնիսկ գործընկերներին։
Արդեն ընտրություններից հետո լրատվամիջոցները գրում էին, որ Մարտիրոսյանը կնշանակվի Կանադայում Հայաստանի դեսպան։ -0-
