ՌԴ Պետդումայի խոսնակն աշխատանքային այցով կժամանի Հայաստան

ԵՐԵՎԱՆ, 30 մարտի. /ԱՌԿԱ/. ՌԴ Պետդումայի խոսնակ Սերգեյ Նարիշկինն այս շաբաթվա սկզբում աշխատանքային այցով կմեկնի Հայաստան, հայտնում է ՌԻԱ Նովոստին` հղում անելով ՌԴ խորհրդարանի ստորին պալատի կայքին։

Ինչպես սպասվում է, մարտի 30–31–ը Պետդումայի խոսնակը կհանդիպի ՀՀ ԱԺ խոսնակ Գալուստ Սահակյանի, ՀՀ նախագահ Սերժ Սարգսյանի, ՀՀ վարչապետ Հովիկ Աբրահամյանի հետ։

«Բացի այդ, Պետդումայի պատվիրակությունը կմասնակցի Հաղթանակի 70–ամյակին նվիրված համաժողովին և կլոր սեղանին, որն անցկացվում է «Եվրասիական տնտեսական հեռանկար» համաժողովի շրջանակում», –նշվում է հաղորդագրության մեջ։

Նաև նախատեսվում է, որ Նարիշկինը կմասնակցի «Պատերազմն ու հաղթանակը հայ և ռուս նկարիչների աշխատանքներում» խորագրով ցուցահանդեսին, որը նվիրված է Հաղթանակի 70–ամյակին։–0–

Ծանոթացեք լուրերին առաջինն ու քննարկեք դրանք մեր Telegram-ում

10:24 30.03.2015