Պուտինը Հայաստան կայցելի 2013թ.-ի սկզբին. Ռիժկով

ԵՐԵՎԱՆ, 29 նոյեմբերի. /ԱՌԿԱ/. ՌԴ նախագահ Վլադիմիր Պուտինը 2013թ.-ի սկզբին կայցելի Հայաստան, հինգշաբթի լրագրողներին ասաց ՌԴ դաշնային ժողովի Դաշնության խորհրդի անդամ Նիկոլայ Ռիժկովը, հաղորդում է «Նովոստի-Արմենիա» գործակալությունը:
 
«Ամենայն հավանականությամբ, տարեսկզբին կկայանա նախագահ Պուտինի այցը Հայաստան»,- ասաց նա՝ միաժամանակ ավելացնելով, որ ռուսական պետության ղեկավարի այցի հստակ օրը դեռ հայտնի չէ:

Ռուսաստանի նախագահի հայաստանյան այցի տարբեր ժամկետներ են նշվել, այդ թվում խոսվել է, որ այցը կարող է կայանալ 2012թ.-ի ընթացքում։ -0-