Սարգսյանը խոստանում է բոլոր ջանքերը գործադրել հայ–չինական հարաբերությունների համապարփակ զարգացման համար
14.03.2013,
20:52
Հայաստանի նախագահ Սերժ Սարգսյանը Չինաստանի Ժողովրդական Հանրապետության նախագահ Սի Ծինփինին հղած շնորհավորական ուղերձում հավաստել է, որ առավելագույն ջանքեր կգործադրի հայ-չինական միջպետական բարեկամական հարաբերությունների համապարփակ զարգացման ուղղությամբ։
ԵՐԵՎԱՆ, 14 մարտի. /ԱՌԿԱ/. Հայաստանի նախագահ Սերժ Սարգսյանը Չինաստանի Ժողովրդական Հանրապետության նախագահ Սի Ծինփինին հղած շնորհավորական ուղերձում հավաստել է, որ առավելագույն ջանքեր կգործադրի հայ-չինական միջպետական բարեկամական հարաբերությունների համապարփակ զարգացման ուղղությամբ։
«Վերահաստատում եմ իմ պատրաստակամությունը առավելագույն ջանքեր գործադրելու հայ-չինական միջպետական բարեկամական հարաբերությունների և համագործակցության համապարփակ զարգացման ուղղությամբ՝ դրանք նոր մակարդակի բարձրացնելու նպատակով»,– ասվում է Ծինփինին` ՉԺՀ նախագահի պաշտոնում ընտրվելու կապակցությամբ հղած ուղերձում:
Ըստ նրա` Հայաստանը հատուկ կարևորություն է տալիս Չինաստանի հետ ավանդական բարեկամական հարաբերությունների հետևողական ամրապնդմանը և խորացմանը:
«Համոզված եմ, որ տարբեր ոլորտներում երկկողմ կապերի և փոխանակումների հետագա ակտիվացումը, ինչպես նաև արդյունավետ գործակցությունը միջազգային ասպարեզում բխում են մեր երկու բարեկամ երկրների և ժողովուրդների կենսական շահերից»,– նշել է Հայաստանի նախագահը։
Նա վստահություն է հայտնել, որ Սի Ծինփինի պաշտոնավարման ընթացքում Չինաստանի Ժողովրդական Հանրապետության աճող դերը միջազգային ասպարեզում կշարունակի իր բարենպաստ ազդեցությունն ունենալ համաշխարհային խաղաղ և կայուն զարգացման վրա:
«Մաղթում եմ Ձեզ քաջառողջություն և հաջողություններ, իսկ Չինաստանի բարեկամ ժողովրդին` երջանկություն և բարօրություն»,-ասված է Նախագահ Սերժ Սարգսյանի շնորհավորական ուղերձում։ -0-
«Վերահաստատում եմ իմ պատրաստակամությունը առավելագույն ջանքեր գործադրելու հայ-չինական միջպետական բարեկամական հարաբերությունների և համագործակցության համապարփակ զարգացման ուղղությամբ՝ դրանք նոր մակարդակի բարձրացնելու նպատակով»,– ասվում է Ծինփինին` ՉԺՀ նախագահի պաշտոնում ընտրվելու կապակցությամբ հղած ուղերձում:
Ըստ նրա` Հայաստանը հատուկ կարևորություն է տալիս Չինաստանի հետ ավանդական բարեկամական հարաբերությունների հետևողական ամրապնդմանը և խորացմանը:
«Համոզված եմ, որ տարբեր ոլորտներում երկկողմ կապերի և փոխանակումների հետագա ակտիվացումը, ինչպես նաև արդյունավետ գործակցությունը միջազգային ասպարեզում բխում են մեր երկու բարեկամ երկրների և ժողովուրդների կենսական շահերից»,– նշել է Հայաստանի նախագահը։
Նա վստահություն է հայտնել, որ Սի Ծինփինի պաշտոնավարման ընթացքում Չինաստանի Ժողովրդական Հանրապետության աճող դերը միջազգային ասպարեզում կշարունակի իր բարենպաստ ազդեցությունն ունենալ համաշխարհային խաղաղ և կայուն զարգացման վրա:
«Մաղթում եմ Ձեզ քաջառողջություն և հաջողություններ, իսկ Չինաստանի բարեկամ ժողովրդին` երջանկություն և բարօրություն»,-ասված է Նախագահ Սերժ Սարգսյանի շնորհավորական ուղերձում։ -0-
