Վարչապետ Նիկոլ Փաշինյանը կմեկնի Ղազախստան
27.05.2019,
20:15
Վարչապետ Նիկոլ Փաշինյանը մայիսի 28-29-ը աշխատանքային այց կկատարի Ղազախստանի Հանրապետություն, հայտնում է վարչապետի մամուլի ծառայությունը։
ԵՐԵՎԱՆ, 27 մայիսի. /ԱՌԿԱ/. Վարչապետ Նիկոլ Փաշինյանը մայիսի 28-29-ը աշխատանքային այց կկատարի Ղազախստանի Հանրապետություն, հայտնում է վարչապետի մամուլի ծառայությունը։
Ինչպես նշվում է հաղորդման մեջ, Փաշինյանը կմասնակցի Ղազախստանի մայրաքաղաք Նուր-Սուլթանում կայանալիք Եվրասիական տնտեսական բարձրագույն խորհրդի նիստին։
Վարչապետ Նիկոլ Փաշինյանի այցի շրջանակում նախատեսվում են երկկողմ պաշտոնական հանդիպումներ:
Վարչապետը կայցելի Ղազախստանում Հայաստանի դեսպանություն: Նախատեսվում է նաև Նիկոլ Փաշինյանի հանդիպումը տեղի հայ գործարար շրջանակների հետ: -0-
