Ղազախստանը կվավերացնի ԵՏՄ–ին Հայաստանի անդամակցության պայմանագիրը Մոսկվայում կայանալիք հանդիպումից հետո
15.12.2014,
13:58
Ղազախստանը կվավերացնի ԵՏՄ–ին Հայաստանի անդամակցության պայմանագիրը դեկտեմբերի 23–ին Մոսկվայում կայանալիք հանդիպումից հետո, հաղորդվում է ՌԴ Կառավարության կայքում (դեկտեմբերի 14–ին Աստանայում կայացած ՌԴ վարչապետ Դմիտրի Մեդվեդևի և Ղազախստանի նախագահ Նուրսուլթան Նազարբաևի հանդիպման սղագրություն)։
ԵՐԵՎԱՆ, 15 դեկտեմբերի. /ԱՌԿԱ/. Ղազախստանը կվավերացնի ԵՏՄ–ին Հայաստանի անդամակցության պայմանագիրը դեկտեմբերի 23–ին Մոսկվայում կայանալիք հանդիպումից հետո, հաղորդվում է ՌԴ Կառավարության կայքում (դեկտեմբերի 14–ին Աստանայում կայացած ՌԴ վարչապետ Դմիտրի Մեդվեդևի և Ղազախստանի նախագահ Նուրսուլթան Նազարբաևի հանդիպման սղագրություն)։
«Հունվարի 1–ից մեր պետությունները կգործակցեն ԵՏՄ–ի շրջանակում... Եվ 23–ին Մոսկվայում հանդիպում կկազմակերպվի, մենք կվավերացնենք Հայաստանի անդամակցությունը։ Գուցե, Ղրղըզստանն այդ ժամանակ արդեն պատրաստ կլինի», – ասել է Նուրսուլթան Նազարբաևը։
Ինչպես նշել է Ղազախստանի նախագահը, չնայած դրամական արտահայտմամբ առևտրի նվազմանը, ապրանքաշրջանառության ֆիզիկական ծավալներն աճում են, զարգանում են համատեղ ձեռնարկությունները։
«Եվ երբ կլավանա գների կոնյունկտուրան, ցուցանիշները դրական փոփոխություն կգրանցեն։ Ընդհանուր մաքսային սահմանները, մարդկանց և բեռների ազատ տեղաշարժը մեծ բարիք է մեր երկրների բնակչության համար», – ասել է Նազարբաևը։
Դեկտեմբերի 10–ին ՀՀ նախագահ Սերժ Սարգսյանը հեռախոսազրույց է ունեցել Ղազախստանի նախագահ Նուրսուլթան Նազարբաևի հետ։ Երկու երկրների ղեկավարները քննարկել են հայ–ղազախական հարաբերությունների զարգացման հարցերն ու ԵՏՄ–ի շրջանակում նախատեսված համագործակցությունը։
ՀՀ ԱԺ–ն դեկտեմբերի 4–ի նիստի ժամանակ վավերացրել է ԵՏՄ–ին երկրի անդամակցության պայմանագիրը։ Դեկտեմբերի 10–ին փաստաթուղթը վավերացվել է ՌԴ Պետդումայի կողմից։ Բելառուսի և Ղազախստանի խորհրդարաններում նմանատիպ ընթացակարգերի ավարտից հետո Հայաստանը կդառնա ԵՏՄ–ի լիիրավ անդամ, որը կսկսի գործել 2015 թ.–ի հունվարի 1–ից։–0–
«Հունվարի 1–ից մեր պետությունները կգործակցեն ԵՏՄ–ի շրջանակում... Եվ 23–ին Մոսկվայում հանդիպում կկազմակերպվի, մենք կվավերացնենք Հայաստանի անդամակցությունը։ Գուցե, Ղրղըզստանն այդ ժամանակ արդեն պատրաստ կլինի», – ասել է Նուրսուլթան Նազարբաևը։
Ինչպես նշել է Ղազախստանի նախագահը, չնայած դրամական արտահայտմամբ առևտրի նվազմանը, ապրանքաշրջանառության ֆիզիկական ծավալներն աճում են, զարգանում են համատեղ ձեռնարկությունները։
«Եվ երբ կլավանա գների կոնյունկտուրան, ցուցանիշները դրական փոփոխություն կգրանցեն։ Ընդհանուր մաքսային սահմանները, մարդկանց և բեռների ազատ տեղաշարժը մեծ բարիք է մեր երկրների բնակչության համար», – ասել է Նազարբաևը։
Դեկտեմբերի 10–ին ՀՀ նախագահ Սերժ Սարգսյանը հեռախոսազրույց է ունեցել Ղազախստանի նախագահ Նուրսուլթան Նազարբաևի հետ։ Երկու երկրների ղեկավարները քննարկել են հայ–ղազախական հարաբերությունների զարգացման հարցերն ու ԵՏՄ–ի շրջանակում նախատեսված համագործակցությունը։
ՀՀ ԱԺ–ն դեկտեմբերի 4–ի նիստի ժամանակ վավերացրել է ԵՏՄ–ին երկրի անդամակցության պայմանագիրը։ Դեկտեմբերի 10–ին փաստաթուղթը վավերացվել է ՌԴ Պետդումայի կողմից։ Բելառուսի և Ղազախստանի խորհրդարաններում նմանատիպ ընթացակարգերի ավարտից հետո Հայաստանը կդառնա ԵՏՄ–ի լիիրավ անդամ, որը կսկսի գործել 2015 թ.–ի հունվարի 1–ից։–0–
