«Ժառանգություն» կուսակցությունը առաջադրել է Սաֆարյանի թեկնածությունը

ԵՐԵՎԱՆ, 10 հոկտեմբերի. /ԱՌԿԱ/. «Ժառանգություն» ընդդիմադիր կուսակցությունը Երևանի թիվ 1 ընտրատարածքում անցկացվելիք ընտրություններում առաջադրել է կուսակցության գլխավոր քարտուղար Ստյոպա Սաֆարյանի թեկնածությունը:

Պատգամավորական աթոռը թափուր էր մնացել, երբ Ռուբեն Հայրապետյանը հրաժարվել էր մանդատից:

Սաֆարյանը նույն ընտրատարածքում մասնակցել էր մայիսի 6-ին կայացած ԱԺ ընտրությանը:

ԱԺ պատգամավորի ընտրությունը կայանալու է դեկտեմբերի 2-ին:--0-