ԱՆ․ Հայաստանում 2024թ․–ին հայտնաբերվել է մետապնևմավիրուսի 50 դեպք

ԵՐԵՎԱՆ, 7 հունվարի․/ԱՌԿԱ/․ ՀՀ ԱՆ Հիվանդությունների վերահսկման և կանխարգելման կենտրոնն անդրադարձել է մարդու մետապնևմավիրուսին, որն արագորեն տարածվում է տարբեր երկրներում։

Մարդու մետապնևմավիրուսը (HMPV) սուր շնչառական վարակ է, որը տարածվում է հիմնականում օդակաթիլային եղանակով, հազվադեպ նաև՝ կենցաղային իրերի հետ շփման միջոցով:

Հայաստանում գործադրված դետքային ամաճարակաբանական համակարգի շրջանականերում իրականացված լաբորատոր հետազոտությունների արդյունքում` 2023 թվականին հայտնաբերվել է մետապնևմովիրուսի 10 դեպք, իսկ 2024թ.-ի հունվար-ապրիլ ամիսներին 50 դեպք։ Ապրիլից մինչ այժմ իրականացված լաբորատոր հետազոտությունների արդյունքում մետապնևովիրուս չի հայտնաբերվել։

Ախտանշանները նույնն են, ինչ բոլոր սուր շնչառական վարակների դեպքում՝

• ջերմություն,
• հազ,
• քթահոսություն,
• դժվարացած շնչառություն,
• գլխացավ

Սուր շնչառական վարակների, այդ թվում` մետապնևմովիրուսի կանխարգելման նպատակով Սռողջապահության նախարարությունը հորդորում է ՝

• Ձեռքերը պարբերաբար և մանրակրկիտ լվացե՛ք օճառով, հատկապես հասարակական վայրեր այցելելուց հետո և ուտելուց առաջ
• Խուսափե՛ք սերտ շփումից մարդկանց հետ, ովքեր ունեն շնչառական վարակների ախտանիշներ
• Պարբերաբար մաքրե՛ք և ախտահանե՛ք ձեր տան և աշխատավայրում իրերի և առարկաների մակերեսները
• Մի՛ դիպչեք ձեր դեմքին կեղտոտ ձեռքերով
• Պարբերաբար օդափոխե՛ք տարածքները
• Պատվաստվեք գրիպի նկատմամբ:

Եթե դուք նկատում եք սուր շնչառական վարակին բնորոշ ախտանիշներ՝ հետևե՛ք հազի վարվելակարգի կանոններին. կրե՛ք բժշկական դիմակներ և փոխե՛ք դրանք յուրաքանչյուր 4 ժամը մեկ, մնացե՛ք տանը և հնարավորինս շուտ դիմե՛ք բժշկի:

Հիվանդությունների վերահսկման և կանխարգելման ազգային կենտրոնը մշտապես կապի մեջ է գտնվում ԱՀԿ հայաստանյան գրասենյակի հետ և հետագա թարմացումների մասին լրացուցիչ կտեղեկացվի։