Արցախում կորոնավիրուսից ևս մեկ քաղաքացի է ապաքինվել

ԵՐԵՎԱՆ, 1 մայիսի./ԱՌԿԱ/. Արցախի Հանրապետության առողջապահության նախարարության տրամադրած տեղեկատվության համաձայն՝ այսօր կրկնակի թեստավորվել է նոր կորոնավիրուսով վարակված քաղաքացիներից մեկը, որի փորձանմուշի արդյունքը բացասական է եղել, այսինքն` վարակը չի հաստատվել, հաղորդում է Արցախի տեղեկատվական շտաբը:

Ապաքինված քաղաքացին այսօր դուրս կգրվի բուժհաստատությունից: 

Հիշեցնենք, որ առայսօր Արցախում գրանցվել է նոր կորոնավիրուսի վարակման 8 դեպք, որից 6-ն արդեն առողջացել են:–0–