Հայաստանում չկա կապույտ հազի համաճարակի վտանգ. ԱՆ
23.08.2016,
15:26
Հայաստանում չկա կապույտ հազի համաճարակի վտանգ, երեքշաբթի լրագրողներին ասաց ՀՀ առողջապահության նախարարի տեղակալ Սերգեյ Խաչատրյանը։
ԵՐԵՎԱՆ, 23 օգոստոսի. /ԱՌԿԱ/. Հայաստանում չկա կապույտ հազի համաճարակի վտանգ, երեքշաբթի լրագրողներին ասաց ՀՀ առողջապահության նախարարի տեղակալ Սերգեյ Խաչատրյանը։
«Այս պահին արձանագրվել է կապույտ հազի մեկ դեպք։ Հղի կինը Վանաձորում վարակվել է սեփական երեխայից, ում ինքն է հրաժարվել պատվաստել։ Ուզում եմ նշել, որ կնոջ հղիությունն առանց այդ էլ ծանր է, գոյություն ունի հղիության ընդհատման վտանգ», – ասաց Խաչատրյանը։
Նրա խոսքով` 2015 թ.–ին արձանագրվել է երեխաների շրջանում ինֆեկցիոն հիվանդություններից մահացության երկու դեպք, որոնց ծնողները գրավոր հրաժարվել են պատվաստումից (երեխաներից մեկը մահացել է կապույտ հազից, մյուսը` խոզուկից)։
«Պատվաստումներն անվտանգ են։ Հայաստան է ներկրվում միայն որակյալ պատվաստանյութ», – ընդգծեց Խաչատրյանը։ –0–
