Մետրոյի «Մարշալ Բաղրամյան» կայարանը փակ է անորոշ ժամանակով

ԵՐԵՎԱՆ, 2 դեկտեմբերի. /ԱՌԿԱ/. Երևանի մետրոպոլիտենի «Մարշալ Բաղրամյան» կայարանը փակ է անորոշ ժամանակով, հաղորդում է «Նովոստի–Արմենիա» գործակալությունը` վկայակոչելով մետրոպոլիտենի աշխատակցուհուն։

«Կայարանը փակ է ՌԴ նախագահ Վլադիմիր Պուտինի այցի կապակցությամբ»,– գործակալությանը տեղեկացրեց զրուցակիցը։

Ավելի վաղ` երկուշաբթի ՀՀ ԱԻՆ–ը տեղեկություն էր ստացել, որ այդ կայարանում պայթուցիկ սարք է հայտնաբերվել, սակայն ավելի ուշ պարզ դարձավ, որ տեղեկությունը կեղծ էր։

ՌԴ նախագահ Վլադիմիր Պուտինը Հայաստան է ժամանել դեկտեմբերի 2–ին։ –0–