Գեղարքունիքում տեղի է ունեցել 2.8 մագնիտուդով երկրաշարժ
Այսօր,
13:36
Էպիկենտրոնային գոտում ստորգետնյա ցնցման ուժգնությունը կազմել է 3-4 բալ
ԵՐԵՎԱՆ, 17 սեպտեմբերի․ /ԱՌԿԱ/․ Սեպտեմբերի 17-ին՝ տեղական ժամանակով ժամը 12:17-ին, ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցը երկրաշարժ է գրանցել Հայաստանի տարածքում՝ Շողակաթ գյուղից 3 կմ հարավ-արևելք։
Ըստ փրկարար ծառայության տվյալների՝ ստորգետնյա ցնցման մագնիտուդը կազմել է 2.8, օջախի խորությունը՝ 10 կմ։
Էպիկենտրոնային գոտում ստորգետնյա ցնցման ուժգնությունը կազմել է 3-4 բալ:
Երկրաշարժը զգացվել է Գեղարքունիքի մարզի՝ Շողակաթ, Արտանիշ, Դրախտիկ և Ջիլ գյուղերում՝ 3-4 բալ ուժգնությամբ։
