Հայաստանի վարչապետը որոշել է մեռելոցի օրերը աշխատանքային դարձնել. ԶԼՄ

ԵՐԵՎԱՆ, 24 փետրվարի. /ԱՌԿԱ/. Հայաստանի վարչապետ Հովիկ Աբրահամյանը որոշել է մեռելոցի օրերը աշխատանքային դարձնել, հաղորդում է «Հրապարակ» թերթը։

2008 թվականից նախկին վարչապետ Տիգրան Սարգսյանի որոշմամբ` ոչ աշխատանքային էին հայտարարված Մեռելոց հիշատակի օրերը, որոնք հաջորդում են Հայ Առաքելական Եկեղեցու հինգ տաղավար`  Սուրբ Ծնունդ և Մկրտություն, Սուրբ Հարություն, Պայծառակերպություն (Վարդավառ), Աստվածածնի Վերափոխման տոն, Խաչվերաց տոներից յուրաքանչյուրին։

Թերթը կարծում է, որ որպես կանոն` որոշումը, որը վերաբերում է այդ օրերը ոչ աշխատանքային հայտարարելուն, ընդունվում են ամեն տարվա դեկտեմբերին, սակայն 2014թ.-ին նման բան չարվեց։

Ապրիլի 5-ին Հայ Առաքելական Եկեղեցին նշում է Սուրբ Հարության տոնը (Սբ. Զատիկ), ենթադրվում է, որ դրան հաջորդող երկուշաբթին աշխատանքային կլինի, գրում է թերթը։--0--