Հայաստանի արտաքին առևտրաշրջանառությունը հունվար–նոյեմբերին կրճատվել է 33,2%–ով՝ կազմելով 18,9 մլրդ դոլար
ԵՐԵՎԱՆ, 25 դեկտեմբերի․/ԱՌԿԱ/․ Հայաստանի արտաքին առևտրաշրջանառության ծավալը, ըստ օպերատիվ վիճակագրական տվյալների, 2025 թվականի հունվար-նոյեմբերին կազմել է 18 908.4 մլն դոլար, ինչը 33,2%-ով ցածր է 2024 թվականի հունվար-նոյեմբերի ցուցանիշից. հայտնում է հանրապետության Վիճակագրական կոմիտեն:
Ընդ որում, ընթացիկ տարվա նոյեմբերին, նախորդ տարվա նոյեմբերի համեմատ, այս ցուցանիշն աճել է 15,3%-ով, իսկ նույն տարվա հոկտեմբերի համեմատ՝ 16,2%-ով:
2025 թվականի տասնմեկ ամիսների ընթացքում արտաքին առևտրաշրջանառության ծավալը դրամային արտահայտությամբ կազմել է 7 319.5 մլրդ դրամ:
Հայաստանից արտահանումը 2025 թվականի հունվար-նոյեմբերին, 2024 թվականի նույն ժամանակահատվածի համեմատ, կրճատվել է 40,6%-ով՝ կազմելով 7 349.0 մլն դոլար: Նոյեմբերին, նախորդ տարվա նոյեմբերի համեմատ, արձանագրվել է 17,3% աճ, իսկ այս տարվա սեպտեմբերի համեմատ՝ 18,1% աճ: Դրամային արտահայտությամբ արտահանումը հաշվետու ժամանակահատվածում կազմել է 2 843.7 մլրդ դրամ:
Ներմուծումը 11 ամիսների ընթացքում կազմել է 11 559.4 մլն դոլար՝ արձանագրելով 27,4% անկում 2024 թվականի նույն ժամանակահատվածի համեմատ: Նոյեմբերին տարեկան կտրվածքով ներմուծումն աճել է 14%-ով, իսկ ամսական կտրվածքով՝ 15%-ով: Դրամային արտահայտությամբ ներմուծումը 11 ամիսների համար կազմել է 4 475.8 մլրդ դրամ:
