Los Angeles Times պարբերականն անդրադարձել է Հայաստանի զարգացման հեռանկարներին և ներդրումային գրավչությանը
ԵՐԵՎԱՆ, 26 փետրվարի. /ԱՌԿԱ/. Հեղինակավոր Los Angeles Times պարբերականը հրապարակել է ծավալուն զեկույց՝ նվիրված Հայաստանի զարգացման հեռանկարներին և երկրի ներդրումային գրավչությանը։ Այս մասին հայտնում են ԲՏԱ նախարարությունից։
Ըստ Los Angeles Times-ի՝ Հայաստանը ներկայանում է որպես կայուն, անվտանգ և բաց տնտեսություն ունեցող երկիր, որի հիմքում են ենթակառուցվածքների զարգացումը, հստակ կանոնները և աճող միջազգային գործընկերությունները։
Նշվում է, որ բարձր տեխնոլոգիաները, արհեստական բանականությունը, կիսահաղորդիչները, մաքուր էներգետիկան և կրթությունն այժմ ազգային զարգացման առանցքային հենասյուներն են
«Հայաստանը ճկուն, առաջադեմ երկիր է, որը համաշխարհային ներդրողներին առաջարկում է ոչ միայն հնարավորություններ, այլև գործընկերություն՝ կերտելու խաղաղ, նորարարական և կայուն ապագա», - նշված է հոդվածում։
