Հուլիսի 1-ից Ղարաբաղում աշխատավարձերի բարձրացումը կնպաստի սոցիալական լարվածության մեղմմանը. վարչապետ

ՍՏԵՓԱՆԱԿԵՐՏ, 23 հուլիսի. /ԱՌԿԱ/. Հուլիսի 1-ից Ղարաբաղում աշխատավարձերի բարձրացումը կնպաստի սոցիալական լարվածության մեղմմանը, նախօրեին Ստեփանակերտում մամուլի ասուլիսի ժամանակ հայտարարել է ԼՂՀ վարչապետ Արա Հարությունյանը:

Նրա խոսքերով՝ աշխատավարձերի պատճառով հանրապետությունում, մասնավորապես պարենային ապրանքների մասով գների էական աճ չի լինի:

«Ինչ վերաբերում է պետական համակարգի աշխատակիցների աշխատավարձերի գործակիցների հաշվարկին, ապա դրանք պայմանավորված են Հայաստանի և ԼՂՀ-ի միջև ստորագրված համաձայնագրով, ըստ որի՝ սոցիալական քաղաքականությունն ու աշխատավարձերի քաղաքականությունը պետք է նման լինեն: Հետևաբար, Հայաստանում ընտրված չափորոշիչները ներդրվել են նաև ԼՂՀ-ում», - նշել է Հարությունյանը:

2014 թ.-ի հուլիսի 1-ին Ղարաբաղում նվազագույն աշխատավարձը կազմել է 50 հազար դրամ՝ 2013 թ.-ին գրանցված 43 հազարի փոխարեն ($1 – 406,84 դրամ): -0-