ՄԶԸ 16-րդ համագումարին մասնակցելու նպատակով Կոտ դ’Իվուար է ՀՀ ֆինանսների նախարար Վաչե Գաբրիելյանը

ԵՐԵՎԱՆ, 14 նոյեմբերի. /ԱՌԿԱ/. Նոյեմբերի 14-16-ը Միջազգային զարգացման ընկերակցության (ՄԶԸ) 16-րդ համագումարին մասնակցելու նպատակով Կոտ դ’Իվուարի Հանրապետություն է մեկնել ՀՀ ֆինանսների նախարար Վաչե Գաբրիելյանը, հաղորդում է գերատեսչության մամուլի ծառայությունը:

«Նախարարը համագումարին հանդես է գալու որպես ՄԶԸ Արևելյան Եվրոպայի և Կենտրոնական Ասիայի տարածաշրջանի վարկառուների նորանշանակ ներկայացուցիչ»,- ասվում է հաղորդագրության մեջ:

Համագումարի ընթացքում քննարկվելու են Համաշխարհային բանկի շրջանակներում իրականացվող ծրագրերը, դրանց առնչվող հիմնահարցերը և այլն:

Միջազգային զարգացման ընկերակցությունը (International Development Association, IDA) Համաշխարհային բանկի խմբում ընդգրկված կազմակերպություն է: Ստեղծվել է 1960թ.-ին: -0-