Դավոսի ֆորումը բացվել է Գերգիևի համերգով և Սոչիի օլիմպիադայի շնորհանդեսով
ԵՐԵՎԱՆ, 22 հունվարի. /ԱՌԿԱ/. Տնտեսական ճգնաժամով պայմանավորված գլոբալ փոփոխությունները և աճի նոր տեմպերի որոնումը կդառնան Համաշխարհային տնտեսական 44-րդ ֆորումի հիմնական թեմաները, որը բացվել է երեքշաբթի երեկոյան շվեյցարական լեռնադահուկային Դավոս առողջարանում` Վալերի Գերգիևի ղեկավությամբ նվագախմբի համերգով։
Ավելի քան 2,5 հազար քաղաքագետներ և ձեռներեցներ են ողջ աշխարհից, ներառյալ Բրիտանիայի վարչապետ Դևիդ Քեմերունը, Ճապոնիայի և Իտալիայի վարչապետներ Սինձե Աբեն և Էնրիկո Լետուն, ԱՄՆ պետքարտուղար Ջոն Քերին և Իրանի նախագահ Հասան Ռոուխանին, հավաքվել Դավոսում` չորս օր բանակցելու, բանավիճելու, երեկույթների մասնակցելու և դահուկով սահելու համար։
Արժույթի միջազգային հիմնադրամը ֆորումի բացման նախօրեին համաշխարհային տնտեսական աճի կանխատեսումը 2014թ.-ի համար բարձրացրեց մեկ տասնորդական տոկոսային կետով` մինչև 3,7%, սակայն նվազեցրեց կանխատեսումը Ռուսաստանի, Բրազիլիայի և մյուս զարգացող շուկաների համար` հենվելով թույլ ներքին պահանջարկի վրա։
Երեքշաբթի երեկոյան Օլիմպիադայի նախապատրաստումը համակարգող ՌԴ փոխվարչապետ Դմիտրի Կոզակը և Սբերբանկի ղեկավար Գերման Գրեֆն անցկացրեցին Սոչիի առաջիկա օլիմպիադայի շնորհանդես` ներկաներին հավաստիացնելով, որ մարզիկների և հանդիսատեսի անվտանգությանը ոչինչ չի սպառնում։ Շնորհանդեսն ավարտվեց Անդրեյ Մակարևիչի համերգով։
Բացման նախօրեին ֆորումի մասնակիցներին դիմել է Հռոմի Ֆրանցիսկոս Պապը`կոչ անելով աշխարհի բոլոր հարուստ և ազդեցիկ մարդկանց` հաշվի առնել ամենաաղքատ շերտերի շահերը և ապահովել բարեկեցության ավելի արդար բաշխում։--0--
Ծանոթացեք լուրերին առաջինն ու քննարկեք դրանք մեր Telegram-ում
13:12 22.01.2014
