ԱԻՆ–ում ահազանգ է ստացվել Աբովյան քաղաքի ոստիկանության շենքի տանիքում տեղադրված ռումբի մասին
03.02.2020,
13:37
ԱԻՆ–ում ահազանգ է ստացվել Աբովյան քաղաքի ոստիկանության շենքի տանիքում տեղադրված ռումբի մասին
ԵՐԵՎԱՆ, 3 փետրվարի./ԱՌԿԱ/. ՀՀ ԱԻՆ–ն ահազանգ է ստացել Աբովյան քաղաքի ոստիկանության շենքի տանիքում ռումբի տեղադրման մասին։
Ինչպես հաղորդում է ՀՀ ԱԻՆ Փրկարար ծառայությունը, փետրվարի 3-ին, ժամը 12:21-ին 911 ահազանգման կենտրոն տեղեկություն է հաղորդվել, որ Կոտայքի մարզի Աբովյան քաղաքի ոստիկանության շենքի տանիքում ռումբ է տեղադրված:
«Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական ջոկատը», – նշվում է հաղորդագրության մեջ:–0–
