Նիկոլ Փաշինյանը և ՌԴ ԱԽ քարտուղարը քննարկել են անվտանգության ոլորտում համագործակցության զարգացման հարցերը
ԵՐԵՎԱՆ, 13 օգոստոսի. /ԱՌԿԱ/. Հայաստանի վարչապետ Նիկոլ Փաշինյանը երեքշաբթի Երևանում ընդունել է Ռուսաստանի Անվտանգության խորհրդի քարտուղար Նիկոլայ Պատրուշևին:
Ինչպես հայտնում է ՌԴ ԱԽ մամուլի ծառայությունը, Փաշինյանը և Պատրուշևը քննարկել են հայ–ռուսական համագործակցության զարգացման հարցերն անվտանգության ոլորտում, տնտեսական և ներդրումային համագործակությունը, ինչպես նաև երկու երկրների համագործակցության հարցերը միջազգային կազմակերպություններում:
Կողմերը քննարկել են նաև միջազգային օրակարգի մի շարք հրատապ խնդիրներ, այդ թվում` մարդասիրական օգնության ցուցաբերումը սիրիացի ժողովրդին և Սիրիայում խաղաղ կյանքի վերականգնումը:
Պատրուշևը Երևան է ժամանել նախօրեին` Հայաստանի և Ռուսաստանի Անվտանգության խորհուրդների միջև խորհրդակցություններին մասնակցելու և անվտանգության ոլորտում հայ-ռուսական համագործակցությունը քննարկելու համար:-0-
