ԵՏՀ–ի նախկին նախարարը նշանակվել է Վերահսկիչ պալատի նախագահի տեղակալի պաշտոնում

ԵՐԵՎԱՆ, 10 մարտի. /ԱՌԿԱ/. ՀՀ նախագահ Սերժ Սարգսյանը հրամանագիր է ստորագրել Արա Նռանյանին ՀՀ վերահսկիչ պալատի նախագահի տեղակալ նշանակելու մասին` մինչև 2019 թվականի դեկտեմբերի 13-ը, հաղորդում է ՀՀ նախագահի մամուլի ծառայությունը։

Ավելի վաղ, Եվրասիական տնտեսական հանձնաժողովի նոր կազմի ձևավորումից առաջ, Նռանյանը զբաղեցրել է ԵՏՀ կոլեգիայի անդամի (նախարար) պաշտոնը։ 2007–2012 թթ.–ին նա եղել է ԱԺ պատգամավոր ՀՅԴ–ից։

Վերահսկիչ պալատի նախագահի նախկին տեղակալ Լևոն Յոլյանը փետրվարի 29–ին նշանակվել է ՀՀ էներգետիկայի և բնական պաշարների նախարար։ –0–