Պեսկով. Փաշինյանը կայցելի ՌԴ` ֆուտբոլ դիտելու և կհանդիպի Պուտինի հետ
11.06.2018,
14:45
ՀՀ վարչապետ Նիկոլ Փաշինյանը հաջորդ շաբաթ կայցելի Ռուսաստան` Ֆուտբոլի աշխարհի առաջնությանը։
ԵՐԵՎԱՆ, 11 հունիսի./ԱՌԿԱ/. ՀՀ վարչապետ Նիկոլ Փաշինյանը հաջորդ շաբաթ կայցելի Ռուսաստան` Ֆուտբոլի աշխարհի առաջնությանը։
Փաշինյանի հետ կհանդիպի ՌԴ նախագահ Վլադիմիր Պուտինը, նշել է Պուտինի մամուլի քարտուղար Դմիտրի Պեսկովը։
«Սպասում ենք ֆուտբոլի», – Պեսկովի խոսքերը մեջբերում է vesti.ru–ն` հղում անելով ՌԻԱ Նովոստիին։
Ֆուտբոլի աշխարհի 2018 թ.–ի առաջնության բացումը տեղի կունենա հունիսի 14–ին Մոսկվայի «Լուժնիկի» մարզադաշտում։
Մայիսի 14–ին Նիկոլ Փաշինյանն այցելել էր Սոչի` ԵՏՄ գագաթնաժողովին մասնակցելու և ՌԴ նախագահ Վլադիմիր Պուտինի հետ հանդիպելու համար, սակայն վարչապետի պաշտոնում Փաշինյանը կայցելի Մոսկվա առաջին անգամ։–0–
