ՀՐԱՏԱՊ. Վիգեն Սարգսյանը հրաժական է տվել
08.05.2018,
20:59
ՀՀ պաշտպանության նախարարի պաշտոնակատար Վիգեն Սարգսյանը քիչ առաջ հրաժարական տվեց:
ԵՐԵՎԱՆ, 8 մայիսի. /ԱՌԿԱ/. ՀՀ պաշտպանության նախարարի պաշտոնակատար Վիգեն Սարգսյանը քիչ առաջ հրաժարական տվեց, հաղորդում է ՀՀ պաշտպանության նախարարության մամուլի ծառայությունը։
«Քաղաքական իրադարձությունների բերումով իմ նախատեսածից շուտ եկավ բանակի ղեկավարի կարգավիճակում ձեզ հրաժեշտ տալու պահը: Այդպես ճիշտ է: Նախարարը քաղաքական պաշտոնյա է, և նրա աշխատանքը արդյունավետ է միայն համախոհների թիմում: Դա ո՛չ արհեստավարժության, ո՛չ էլ ժողովրդին ծառայելու պատրաստակամության հետ կապված հարց է. հասարակությանը կարելի է և պետք է պիտանի լինել անկախ դիրքից և պաշտոնից: Եվ վստահեցնում եմ բոլորիդ, որ այլ կարգավիճակով ևս շարունակելու եմ իմ այդ ծառայությունը», - նշվում է Վիգեն Սարգսյանի ուղերձում։–0–
