ՀՀ ԱԺ–ում «Ժառանգություն» խմբակցությունը գլխավորել է Ռուբեն Հակոբյանը

ԵՐԵՎԱՆ, 3 փետրվարի. /ԱՌԿԱ/. Ռուբեն Հակոբյանն ընտրվել է «Ժառանգություն» խորհրդարանական խմբակցության ղեկավար, իսկ Թևան Պողոսյանը` խմբակցության քարտուղար։ Ինչպես հաղորդում է «Նովոստի–Արմենիա» գործակալությունը, այս մասին երկուշաբթի կայացած ԱԺ նիստի ընթացքում հայտարարել է ՀՀ ԱԺ խոսնակ Հովիկ Աբրահամյանը։

Խմբակցության նախկին ղեկավար Զարուհի Փոստանջյանն այս պահին գտնվում է ԱՄՆ–ում` ուսումնական դասընթացների։ Ռուբեն Հակոբյանն աշխատել է այս պաշտոնում մինչև Զարուհի Փոստանջյանը, սակայն 2013 թ.–ի հոկտեմբերին որոշել է հեռանալ այդ պաշտոնից։

2013 թ.–ի դեկտեմբերի վերջին խմբակցության քարտուղար Թևան Պողոսյանը հայտարարել էր պատգամավորական մանդատը վայր դնելու մտադրության մասին, սակայն մինչև խորհրդարանի գարնանային նստաշրջանի առաջին քառօրյան փոխել է իր որոշումը։–0–