ԼՂՀ նախկին Օմբուդսմենը նշանակվել է նախագահի խորհրդական
06.05.2016,
15:06
Արցախի Հանրապետության նախագահ Բակո Սահակյանն ուրբաթ հրամանագիր է ստորագրել, որի համաձայն նախագահի խորհրդական է նշանակվել Յուրի Հայրապետյանը:
ՍՏԵՓԱՆԱԿԵՐՏ, 6 մայիսի. /ԱՌԿԱ/. Արցախի Հանրապետության նախագահ Բակո Սահակյանն ուրբաթ հրամանագիր է ստորագրել, որի համաձայն նախագահի խորհրդական է նշանակվել Յուրի Հայրապետյանը, հայտնում է Լեռնային Ղարաբաղի Հանրապետության նախագահի աշխատակազմի տեղեկատվության գլխավոր վարչությունը։
Յուրի Հայրապետյանն այս տարվա ապրիլի վերջին հրաժարական է տվել ԼՂՀ Օմբուդսմենի պաշտոնից։ Նա ծրագրում էր պաշտոնաթող լինել դեռևս տարեսկզբին, բայց հետաձգել էր իր հեռանալը, քանի որ պատրաստում էր 2015 թվականին կատարած աշխատանքի իր զեկույցը։ -0-
