2 մլն․ դրամ տուգանք. ԲԸՏՄ-ն Արմավիրում ապօրինի ջրօգտագործում է կասեցրել (ՖՈՏՈ)
11.08.2025,
14:40
Բնապահպանության և ընդերքի տեսչական մարմինը Արմավիրում ապօրինի ջրօգտագործում է կասեցրել ՖՈՏՈ
ԵՐԵՎԱՆ, 11 օգոստոսի․/ԱՌԿԱ/․ ԲԸՏՄ-ն Արմավիրում ապօրինի ջրօգտագործում է կասեցրել։ Նշանակվել է 2.000.000 ՀՀ դրամի չափով վարչական տուգանք։ Այս մասին հայտնում է ՀՀ Բնապահպանության և ընդերքի տեսչական մարմինը։
Ջրային ռեսուրսների նորմերի պահպանությանն ուղղված միջոցառումների ընթացքում Բնապահպանության և ընդերքի տեսչական մարմնի աշխատակիցները «ՎԱՐԴ-ՔՆԱՐ» ՍՊԸ-ում արձանագրել են խախտումներ։
Արմավիրի մարզում քարի մշակմամբ զբաղվող Ընկերությունն արտադրական նպատակով խորքային հորից իրականացրել է ապօրինի ջրառ՝ առանց ջրօգտագործման թույլտվության։
ԲԸՏՄ Արմավիրի տարածքային բաժնի պետի որոշմամբ խորքային հորի ապօրինի շահագործումը կասեցվել է։
