Գլխավոր դատախազությունում ուսումնասիրում են ՌԴ ԱԴԾ-ի հաղորդագրությունը Ղրիմի կամրջի պայթյունի քննության շրջանակում
12.10.2022,
15:13
ՌԴ ԱԴԾ-ն տեղեկացրել է, որ Ղրիմի կամրջի պայթյունի գործով ձերբակալվել են Հայաստանի, Վրաստանի, Ուկրաինայի և Ռուսաստանի քաղաքացիներ
ԵՐԵՎԱՆ, 12 հոկտեմբերի./ԱՌԿԱ/. Հայաստանի Հանրապետության գլխավոր դատախազությունում ուսումնասիրվել են ՌԴ Անվտանգության դաշնային ծառայության կողմից այսօր տարածված տեղեկությունները և զանգվածային տարբեր լրատվամիջոցներում առկա հրապարակումները:
Ինչպես հաղորդում է ՀՀ գլխավոր դատախազության մամուլի ծառայությունը, նկատի ունենալով, որ հրապարակումը պարունակել է առերևույթ հանցանքի մասին վկայող տեղեկություններ՝ Գլխավոր դատախազությունը դրանք հասցեագրել է ՀՀ ԱԱԾ քննչական դեպարտամենտ՝ քրեական վարույթ նախաձեռնելու հարցը լուծելու հանձնարարությամբ:
«Օրենքով նախատեսված գործիքակազմի, այդ թվում՝ միջազգային փոխօգնության ինստիտուտի կիրառմամբ, Գլխավոր դատախազությունը հետևողական է լինելու հրապարակված տեղեկատվության հանգամանքները ամբողջությամբ բացահայտելու ուղղությամբ: Արդյունքների մասին կտրամադրվի լրացուցիչ տեղեկատվություն», - նշվում է գերատեսչության հաղորդագրության մեջ:
Ավելի վաղ ՌԴ ԱԴԾ-ն տեղեկացրել է, որ Ղրիմի կամրջի պայթյունի գործով ձերբակալվել են Հայաստանի, Վրաստանի, Ուկրաինայի և Ռուսաստանի քաղաքացիներ: ԱԴԾ-ից հայտարարել են, որ ահաբեկչության կազմակերպիչը Ուկրաինայի ՊՆ Հետախուզության գլխավոր վարչությունն է, նրա ղեկավար Կիրիլ Բուդանովը, աշխատակիցներն ու գործակալները:-0-
Ինչպես հաղորդում է ՀՀ գլխավոր դատախազության մամուլի ծառայությունը, նկատի ունենալով, որ հրապարակումը պարունակել է առերևույթ հանցանքի մասին վկայող տեղեկություններ՝ Գլխավոր դատախազությունը դրանք հասցեագրել է ՀՀ ԱԱԾ քննչական դեպարտամենտ՝ քրեական վարույթ նախաձեռնելու հարցը լուծելու հանձնարարությամբ:
«Օրենքով նախատեսված գործիքակազմի, այդ թվում՝ միջազգային փոխօգնության ինստիտուտի կիրառմամբ, Գլխավոր դատախազությունը հետևողական է լինելու հրապարակված տեղեկատվության հանգամանքները ամբողջությամբ բացահայտելու ուղղությամբ: Արդյունքների մասին կտրամադրվի լրացուցիչ տեղեկատվություն», - նշվում է գերատեսչության հաղորդագրության մեջ:
Ավելի վաղ ՌԴ ԱԴԾ-ն տեղեկացրել է, որ Ղրիմի կամրջի պայթյունի գործով ձերբակալվել են Հայաստանի, Վրաստանի, Ուկրաինայի և Ռուսաստանի քաղաքացիներ: ԱԴԾ-ից հայտարարել են, որ ահաբեկչության կազմակերպիչը Ուկրաինայի ՊՆ Հետախուզության գլխավոր վարչությունն է, նրա ղեկավար Կիրիլ Բուդանովը, աշխատակիցներն ու գործակալները:-0-
