Հրապարակվել են «Հայր և որդի Երեմյաններ» ՍՊԸ-ի «Բուրգըրի»–ից վերցված նմուշառումների լաբորատոր արդյունքները. այնտեղ թունավորման դեպքեր էին գրանցվել

ԵՐԵՎԱՆ, 24 նոյեմբերի./ԱՌԿԱ/. Հայտնի են «Հայր և որդի Երեմյաններ» ՍՊԸ-ի «Բուրգըրի» (հասցե՝ Ամիրյան 3/37) հասարակական սննդի կազմակերպությունում արձանագրված աղիքային վարակին բնորոշ դեպքերի վերաբերյալ լաբորատոր արդյունքները, հաղորդում է Հիվանդությունների վերահսկման և կանխարգելման ազգային կենտրոնից։

Համաձայն կենտրոնի «Ռեֆերենս Լաբորատոր կենտրոն մասնաճյուղ»-ի կողմից իրականացված լաբորատոր հետազոտությունների արդյունքների՝ խմելու ջրում շեղումներ չեն հայտնաբերվել։

Մակերեսներից և աշխատակիցների ձեռքերից վերցված լվացուկներում հայտնաբերվել են աղիքային ցուպիկի խմբի մանրէներ (ԱՑԽՄ) և Staphylococcus aureus։

Ինչպես հիվանդներից վերցված կենսանմուշներում, այնպես էլ սննդամթերքից վերցված նմուշներում (բուրգերի համար նախատեսված տավարի հում միս (կիսաֆաբրիկատ))՝ հայտնաբերվել է աղիքային վարակիչ հիվանդության հարուցիչ (salmonella enteritidis):

Հիշեցնենք, որ նախօրեին հայտնի էր դարձել, որ 13 քաղաքացի օգտվել է «Հայր և որդի Երեմյաններ» ՍՊԸ-ի «Բուրգըրի» (հասցե՝ Ամիրյան 3/37) և «Պանդոկ Երևան» (հասցե՝ Ամիրյան 5) հասարակական սննդի կազմակերպություններից ու թունավորվել է։–0–