Երևանի պոլիկլինիկաներում կսահմանվի հերթապահություն շաբաթ և կիրակի օրերին
07.02.2020,
19:27
Ամբուլատոր-պոլիկլինիկական հաստատություններում շաբաթ և կիրակի օրերին սահմանվել է հերթապահություն` ժամը 10:00-16:00
ԵՐԵՎԱՆ, 7 փետրվարի./ԱՌԿԱ/. Շաբաթ և կիրակի օրերին Երևանի պոլիկլինիկաներում կսահմանվի հերթապահություն։
Այս մասին Facebook–յան իր էջում հայտնել է Երևանի քաղաքապետարանի մամուլի քարտուղար Հակոբ Կարապետյանը։
«Տեղեկացնում ենք, որ Երևանի քաղաքապետարանի ենթակայությամբ գործող ամբուլատոր-պոլիկլինիկական հաստատություններում շաբաթ և կիրակի օրերին սահմանվել է հերթապահություն` ժամը 10:00-16:00-ը», – հայտնում է Կարապետյանն` ավելացնելով, որ սուր շնչառական հիվանդությունների նշանների ի հայտ գալու դեպքում կարելի է դիմել սպասարկող ամբուլատոր-պոլիկլինիկական հաստատություն:–0–
