Մոտ 230 ընտանիքներ 2016 թ.–ին աղետի գոտում բնակարաններ ձեռք բերելու սերտիֆիկատներ կստանան
«2014–2015 թթ.–ին Գյումրիում բնակարաններ ձեռք բերելու սերտիֆիկատ է ստացել 230 ընտանիք։ Երկրորդ փուլը կմեկնարկի երկու շաբաթվա ընթացքում։ Այդ փուլի շրջանակում բնակարաններով կապահովվեն ևս 230 ընտանիքներ», – ասաց Սարգսյանը։
Նրա խոսքով` սերտիֆիկատներ կտրամադրվեն Ախուրյանում բնակվող ևս 33 ընտանիքների։
«Այսպիսով, կմնա լուծել Շիրակի մարզում բնակվող 170 ընտանիքների բնակարանների հարցը։ Նախատեսվում է, որ խնդիրը վերջնականապես կլուծվի 2016–2017 թթ.–ին», – ասաց նախարարը։
Սպիտակի երկրաշարժը տեղի է ունեցել 1988 թ.–ի դեկտեմբերի 7–ին Հայաստանի հյուսիս–արևմուտքում։ Մոտ 7 բալ հզորությամբ ստորգետնյա ցնցումների հետևանքով տուժել են ավելի քան 300 բնակավայրեր, իսկ երկրաշարժի էպիկենտրոնում հայտնված Սպիտակ քաղաքը հիմնովին ավերվել է։ Աղետի հետևանքով զոհվել է ավելի քան 25 հազար մարդ, մոտ 500 հազարն անօթևան է մնացել։–0–
