Qatar Airways-ն անժամկետ չեղարկել է թռիչքները դեպի մի շարք երկրներ, այդ թվում՝ Հայաստան
02.10.2024,
14:24
Qatar Airways-ն անժամկետ չեղարկել է բոլոր թռիչքները դեպի Հայաստան
ԵՐԵՎԱՆ, 2 հոկտեմբերի․/ԱՌԿԱ/․ Հայկական ընդհանուր ավիացիայի միասնական հարթակը հայտնում է, որ Qatar Airways-ն անժամկետ չեղարկել է թռիչքները դեպի մի շարք երկրներ, այդ թվում՝ Հայաստան։
«Հարգելի ուղևորներ, տարածքային լարվածության ֆոնին, թռիչքային անվտանգությունն ապահովելու նպատակով Qatar Airways ավիաընկերությունն անժամկետ չեղարկել է իր բոլոր թռիչքները դեպի հետևյալ ուղղություններով՝ Հայաստան, Հորդանան, Իրան, Իրաք, Լիբանան և Ղասախստան։
Հարցերի դեպքում խնդրում ենք կապ հաստատել ավիաընկերության, կամ պաշտոնական ներկայացուցչությունների հետ»,-նշված է հաղորդագրության մեջ։
Հիշեցնենք, որ նախօրեին երեկոյան Իրանը մոտ 180 հրթիռ է արձակել Իսրայելի ուղղությամբ։ Իսրայելի պաշտպանության բանակը (ՑԱԽԱԼ) հայտարարել է, որ դրանց մեծ մասը խոցվել է: Վարչապետ Բենիամին Նեթանյահուն ընդգծել է, որ Թեհրանը «մեծ սխալ» է գործել և խոստացել է, որ Իրանը «կհատուցի» դրա համար։
