Հարկային մուտքերը հունվար–սեպտեմբերին աճել են 14%–ով՝ գերազանցելով 2 տրլն դրամը․ ՊԵԿ
24.10.2025,
15:52
Աճը պայմանավորված է տնտեսական ակտիվությամբ, հարկային կարգապահության բարձրացմամբ և ՊԵԿ–ի կողմիկց վարչարարության արդյունավետությամբ
ԵՐԵՎԱՆ, 24 հոկտեմբերի․/ԱՌԿԱ/․ 2025 թվականի հունվարից սեպտեմբեր ընկած ժամանակահատվածում Հայաստանում հարկային մուտքերը, նախորդ տարվա նույն ժամանակահատվածի համեմատ, աճել են 14%-ով, հայտնեց Պետական եկամուտների կոմիտեի ղեկավար Էդուարդ Հակոբյանը։
«2025թ․–ի հունվար – սեպտեմբերին ՊԵԿ–ը և հարկ վճարողները ապահովել են ընդհանուր 2 տրիլիոն 13 միլիարդ դրամի բյուջետային եկամուտներ և պետական տուրքեր, ինչը նախատեսվածից 7.4 միլիարդ դրամով ավել է։ Աճը, նախորդ տարվա նույն ժամանակահատվածի համեմատ, կազմել է 246 մլրդ դրամ», – ասաց Հակոբյանն այսօր ասուլիսի ժամանակ։
Նա նաև հայտարարեց, որ աճը պայմանավորված է տնտեսական ակտիվությամբ, հարկային կարգապահության բարձրացմամբ և ՊԵԿ–ի կողմիկց վարչարարության արդյունավետությամբ։ ($1 - 382.54 դրամ)
