Հայաստանում ռուսական ներդրումների մակարդակը կազմում է շուրջ 4 մլրդ դոլար․ Կոպիրկին
ԵՐԵՎԱՆ, 25 նոյեմբերի․/Նովոստի–Արմենիա/. Հայաստանում ռուսական ներդրումների ընդհանուր մակարդակը կազմում է մոտ 4 մլրդ դոլար, «Իզվեստիա»-ին տված հարցազրույցում ասել է ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինը։
Նրա խոսքով՝ հայ-ռուսական առևտրատնտեսական հարաբերությունների դինամիկ զարգացման կատալիզատորը մեծապես հանդիսանում է ԵԱՏՄ հարթակում համագործակցությունը։
«Փոխադարձ առևտրի տպավորիչ ցուցանիշները պարզապես անհնարին կլինեին առանց ԵԱՏՄ մարմինների արդյունավետ ջանքերի` վերացնելու առևտրային և վարչական խոչընդոտները, ապահովելու անդամ պետությունների անցումը միասնական տեխնիկական, սանիտարական, անասնաբուժական և բուսասանիտարական ստանդարտներին, ձևավորելու հստակ համակարգում եվրասիական տնտեսական տարածքի երկրների իրավասու պետական գերատեսչությունների միջև»,-ասել է նա։
