ԵԱՏՄ–ից դուրս գտնվող երկրների հետ արտաքին առևտրի ծավալը 2021 թ.-ի հունվար-նոյեմբերին աճել է 34.3 %-ով, Հայաստանից արտահանումը`16. 3%-ով.
ԵՐԵՎԱՆ, 21 հունվարի./ԱՌԿԱ/. Ապրանքների արտաքին առևտրի ծավալը 2021 թ.-ի հունվար-նոյեմբերին կազմել է 752 մլրդ դոլար, այդ թվում` արտահանումը՝ 465.9 մլրդ դոլար, ներմուծումը՝ 286.1 մլրդ դոլար։ Նախորդ տարվա նույն ժամանակահատվածի համեմատ արտահանումն աճել է 42.5%-ով, ներմուծումը՝ 22.8%-ով։ Այս մասին հայտնում է ԵՏՀ մամուլի ծառայությունը։
2021 թ.-ի հունվար-նոյեմբերին, 2020 թ.-ի հունվար-նոյեմբերի համեմատ, ԵԱՏՄ սահմաններից դուրս գտնվող երկրներ Բելառուսից իրականացվող ապրանքների արտահանումն ավելացել է 50,3%–ով, Ռուսաստանից` 45,4%–ով, Ղազախստանից`23%–ով և Հայաստանից` 16,3%–ով։
ԵԱՏՄ-ից արտահանվող ապրանքների հիմնական գնորդներն են եղել Եվրամիության (նրանց մասնաբաժինը կազմում է արտահանման մատակարարումների 42.2%-ը) և Ասիական–խաղաղօվկիանոսյան տնտեսական համագործակցության (28,6%) երկրները։ ԵԱՏՄ շուկա ներմուծվող երկրներից առաջատար են Չինաստանը և Գերմանիան։–0–
